KAMPUS BIRU, KAMPUS TELADAN JAYAMAHE
Geguritan: Ratmaya Urip*)

Lumaku ing latar-mu
In selaning cemara kang jejer pideksa senadyan wus ngandut yuswa
Ing ademing suket ijo royo-royo mangsa rendeng iki
Angenku mabur ing mangsa kang wis lunga
Menclok ing esemmu
Kang tansah lumayu kebak purnama
Mlayoni jejering tresna

GERIMIS LINGSIR WENGI
Geguritan: Ratmaya Urip

Nyenyeting wengi lan ademing pawana kang rumasuk ing jaja
Uga udan gerimis kang tan ana kendate ngileni bantala
Ngundang gerimise waspa
Kang tumetes mbleber ing netra
Bukti yen ati iki ora bisa ngapusi
Yen tanpa sliramu ing sisihanku iki
Kabeh kebak rasa sepi
Mijilake prasasti duk ing nguni
Tanpa bisa kalarung malah tansah ngebaki punagi
Rina lan wengi kang tansah tedhak
Amarga nglakoni jejering tindak
Tansah goreh amarga ora bisa cedak

BIYUNG (Ibu)
Geguritan: Ratmaya Urip

Ing garbamu aku nate ngrasakake angeting katresnanmu
Uga ademing panggulawentahmu
Kang tanpa upama nglejarake langkahku tumuju ing karaharjan tanpa ninggalake paugeran lan kasusilan
Ing waspamu kang nyimpen luhuring bebana aku kaajap bisa dadi jalma kang utama

KRODANING PUNAGI KANG NGEBAKI ATI
Geguritan: Ratmaya Urip

Tan kinira yen blegermu mijil ing punagi
Ing tengah wengi wingi kuwi
Sawise sawetara wanci tansah sepi
Amarga ati iki wis mati
Uga wis ora ana kembang lathi
Apa maneh nyimpen prasasti
Kabeh wartamu wis kasaput rina lan wengi

PARADE PUISI-PUISI MBELING - PUISI SABLENG - PUISI NDUGAL:

REPUBLIK KENTUT
(Satu lagi Puisi mBeling / Puisi Sableng)

Oleh: Ratmaya Urip*)

Adalah kisah tentang negeri antah berantah
Yang petanya tidak ada dalam denah
Yang telah menapak kisah dan mulai menjadi sejarah
Dengan meniti amarah dan sulit menata gundah
Yang muaranya hanya ada sumpah serapah
Karena hari-harinya hanya ada keluh kesah
Dan bisanya hanya pasrah menyerah
Meski kadang ada darah yang tumpah

KAPANG (Kangen)- (1)
Geguritan: Ratmaya Urip

Lingsir wengi 
Netra iki tan bisa kuwagang kasirep ing pawana
Uga tan ilang amarga nyenyeting bawana
Apa maneh sunaring candra lagi wae purwaka
Malah saka telenging netra ndhedher waspa
Amarga blegermu angel sirna
Tansah mijil ing angenku
Nandur esem ngujuwatmu
Kapang mring tresnamu kang nate ngrembuyung ngebaki jaja
Apa ya kapangku iki kapangmu uga?

KAPAN PARA DURJANA KUWI BISA SIRNA

KAPAN PARA DURJANA KUWI BISA SIRNA
Geguritan Gendheng dening: Ratmaya Urip*)

Pertiwi nandang sungkawa
nDeleng polah tingkahe para durjana
Kang nganggo topeng panguasa
Tansah ngrampok donyaning negara
Tanpa kendhat nglanggengake tindak angkara
nDeder kesrakate lan wirange bangsa

GERIMIS LINGSIR WENGI

GERIMIS LINGSIR WENGI
Geguritan: Ratmaya Urip

Nyenyeting wengi lan ademing pawana kang rumasuk ing jaja
Uga udan gerimis kang tan ana kendate ngileni bantala
Ngundang gerimise waspa
Kang tumetes mbleber ing netra
Bukti yen ati iki ora bisa ngapusi
Yen tanpa sliramu ing sisihanku iki
Kabeh kebak rasa sepi
Mijilake prasasti duk ing nguni
Tanpa bisa kalarung malah tansah ngebaki punagi

KAMPUS BIRU

KAMPUS BIRU
Geguritan: Ratmaya Urip*)

Lumaku ing Boulevard-mu
In selaning cemara kang jejer pideksa senadyan wus ngandut yuswa
Ing ademing suket ijo royo-royo mangsa rendeng iki
Angenku mabur ing mangsa kang wis lunga
Menclok ing esemmu
Kang tansah lumayu kebak purnama
Mlayoni jejering tresna

Godhong cemara garing
Kang mabur katerak bayu
Lan tanpa kinira tedhak ing netramu
Lan aku mesti ndamu supaya lejar ing paningalmu
Senajan mijilake waspamu
Tansah gamblang ngebaki punagi
Rina lan wengi
Tan kendhat tansah memayu hayuning tresna
Tresna purwaka kang mijil ing tlatah Kampus Biru
=============
Tebet Raya, Lingsir Wengi, Sabtu, 16-02-2013 02:00

KAPANG (Kangen)

KAPANG (Kangen) 

Lingsir wengi 
Netra iki tan bisa kuwagang kasirep ing pawana
Uga tan ilang amarga nyenyeting bawana
Apa maneh sunaring candra lagi wae purwaka
Malah saka telenging netra ndhedher waspa
Amarga blegermu angel sirna
Tansah mijil ing angenku
Nandur esem ngujuwatmu
Kapang mring tresnamu kang nate ngrembuyung ngebaki jaja
Apa ya kapangku iki kapangmu uga?
=============
Tebet Raya, lingsir wengi Sabtu, 16-02-2013 01:38